Меѓународна твининг конференција

Во периодот од 25 до 28 септември, претставник од стручната служба на Црвен крст на град Скопје и член на Раководниот одбор на Црвен крст на Р. Македонија, учествуваа на Меѓународната Твининг конференција која се одржа во Минск, Белорусија. Учесници беа повеќе од 80 претставници од Национални друштва на Црвен крст и организации кои имплементираат Твининг проекти, претставници на Норвешки Црвен крст, претставник на Меѓународна федерација на Црвен крст и Црвена полумесечина. Во работниот дел на конференцијата, беа презентирани повеќето Твининг проекти, се работеше на развојните политики за иднина, споделени беа научените лекции, а остварени беа и билатерални средби како и работа во групи со цел унапредување и промоција на досегашната активност.

На конференцијата презентирани беа и досегашните активности во рамки на Твининг проектот кој Црвен крст на град Скопје го реализира со Црвен крст Телемарк- Норвешка. Оваа конференција беше одлична можност за размена на информации и искуства со многу земји и Национални друштва, во насока на унапредување на нашата работа како и соработка на ова поле со нашите соработници и пријатели од Црвен крст Телемарк.