Одбележување на 8 мај- Светски ден на Црвениот крст и Црвената полумесечина

На 8 мај- Светски ден на Црвениот крст и Црвената полумесечина ја прославуваме силата и моќта на нашата глобална мрежа, како и придонесот на нашиот персонал и на околу 14 милиони волонтери во светот преку мотото “Секаде за секого”. Централниот настан се одбележуваше во градскиот плоштад во Скопје како дел од активностите се реализираше параолимписка игра „Бочија“ наменета за лица со посебни потреби. Како учесници се вклучија лицата од Дневните центри за лица со посебни потреби од Скопје, Велес, Кавадарци, Дебар, Делчево, Кичево,Гостивар и Прилеп, а со цел поддршка промоција на еднаквите можности и подигнување на јавната свест за лицата со посебни потреби, кон настанот се приклучија и волонтерите од Црвен крст на град Скопје и Општинските организации на територија на град Скопје.

Исто така активно во параолимписката игра се вклучија ученици од 10 средни училишта на територија на град Скопје, во кои се реализира проектот „Училишни клубови за едукација и превенција на Црвен крст“. Учениците и нивните одговорни професори дадоа придонес кон полесна реализација на играта, помош и поддршка кон лицата со попреченост.

Свое обраќање имаше и претседателот на Црвен крст на РМ г-дин Ромел Велев и генералниот директор на Македонски пошти г-дин Фаадис Реџепи каде и ја промовираше и новата поштенска марка.