Онјалн вебинар на Црвен крст на РСМ по повод одбележувањето на Светскиот Ден на Волонтерство – 5 декември

На 4-ти декември, 2020 година Црвениот крст на РСМ организираше вебинар по повод одбележувањето на Светскиот Ден на Волонтерството 5-ти декември. На настанот зедоа учество повеќе општински организации на Црвен крст на РСМ и Црвен крст на град Скопје. На вебинарот учествуваше и Претседателот на Република Северна Македонија, г.дин Стево Пендаровски и во своето обраќање оддаде посебна благодарност на волонтерите на Црвениот крст за севкупниот придонес во справување со кризата во Република Северна Македонија предизвикана од пандемијата со Ковид-19. Во името на Црвениот крст на РСМ и во свое лично име, Претседателот Пендаровски го додели и признанието “За сите наши волонтери”, на сите волонтери на Црвениот крст на РСМ за нивниот придонес во надминување на последиците од пандемијата со Ковид-19.

Пригодно обраќање на настанот имаше и Претседателот на Црвен крст на РСМ, проф.д-р. Ромел Велев, кој зборуваше за значењето на волонтерството во општествени рамки и придонесот на волонтерите во Црвениот крст.

Волонтери од Црвениот крст на град Скопје и општинските организации на Црвен крст Битола, Велес, Куманово, Охрид и Штип имаа свои обраќања и споделија видео содржини од средините каде што работат прикажувајќи активности на националното друштво за одговор на пандемијата со Ковид-19.

Модератор на настанот беше Никола Трајковски, новинар од Македонската Телевизија и волонтер на Црвениот крст на РСМ.