јули 19, 2021

Посета на член на Управниот одбор на Турската Црвена полумесечина


Notice: Undefined variable: sharify_buttons in /home/ckrm/public_html/wp-content/plugins/sharify/sharify.php on line 333

На ден 19.07.2021 година во просториите на Црвен крст на Република Северна Македонија се одржа средба со член на Управниот одбор на Турската Црвена полумесечина, г-дин Јасир Јилмаз и Генералниот секретар на Црвен крст на РСМ, г-дин д-р Саит Саити.

На средбата се разговараше за проширување на меѓусебната соработка и размена на искуства на вработените и волонтерите на двете Национални друштва, во областите на здравствено-превентивната дејност, социјално хуманитарната дејност, подготвеноста и дејствувањето при катастрофи, менаџментот со волонтери и меѓународната соработка на Националното друштво.

Овие теми за соработка ќе бидат преточени во меморандум за соработка кој ќе биде потпишан од двете Национални друштва по летниот период, а ќе биде пропратен со изготвување на годишни оперативни планови за планирање и назначување на носители на активности.

Целта на овој меморандум е зајакнување на капацитетите на Црвен крст на РСМ и Турска Црвена полумесечина преку споделување на искуства, меѓусебна соработка и развивање на проекти за помош и поддршка на ранливото население.

< врати се назад