РАБОТИЛНИЦА ЗА ЕДУКАЦИЈА НА НОВИ МОТИВАТОРИ ЗА ДОБРОВОЛНО КРВОДАРИТЕЛСТВО

Во организација на Црвениот крст на Република Македонија и Институтот за трансфузиона медицина во периодот од 29 јуни до 01 јули 2018 година  во Струга се одржа работилница за едукација на нови мотиватори за доброволно крводарителство на која зедоа учество 27 учесници од општинските организации на Црвен крст Гази Баба, Центар, Чаир, Кисела Вода, Карпош, Тетово, Гостивар, Велес, Неготино, Струмица, Кочани и Охрид, претставници на АРМ и гости од Црвен крст на Нови  Сад.

Главна цел на работилницата беше едукација на нови мотиватори за  доброволно крводарителство кои ќе бидат оспособени за понатамошно вклучување во процесот на крводарителство за организирање на крводарителски акции во своите средини и на општинско ниво.

Содржините од програмата беа презентирани врз основа на принципите на учење на возрасни преку : презентации, споделување на искуства, играње на улоги, вежби  и можност за активна партиципација на учесниците.