Работна средба на Раководниот одбор на Црвен крст на РМ и Националниот совет на Бугарски Црвен крст

Во период од 22-24 ноември 2018 година во посета на Црвен крст на Република Македонија беше делегација од Бугарски Црвен крст во состав: Академик д-р Христо Григоров – Претседател на Бугарски Црвен крст, д-р Софија Стоименова – Генерален директор на Бугарски Црвен крст, претставници од Националниот совет на Бугарски Црвен крст и претставници од стручна служба.

Делегацијата беше пречекана во Централната канцеларија на Црвениот крст на Република Македонија каде добредојде им посака претседателот на Црвениот крст на Република Македонија проф. д-р Ромел Велев и генералниот секретар на Црвениот крст на Република Македонија д-р Саит Саити.

Во попладневните часови делегацијата својата посета ја продолжи во Центарот за кадри и рекреации “Солферино” во Струга каде се одржа заедничка работна сесија на претставници на Раководниот одбор на Црвениот крст на Република Македонија и Националниот совет на Бугарски Црвен крст.

На самата работна средба беа презентирани активностите, досегашните постигнувања и се разменија досегашните искуства и практики во работењето на двете Национални друштва како и заеднички активности по одделни области на двете национални друштва.

Самата иницијатива за одржување на ваква средба беше позитивно оценета а што се потврди и на заедничката сесија и даде можност за поинтензивна соработка со предлог да се продолжи со овој начин за претставување на резултатите од заедничката соработка.