Споделуваме убави моменти од Неделата на млади

Оваа година дури 492 млади се вклучија во одбележување на Неделата на млади под мотото „Биди причина за нечија насмевка!“. Нашите црвени зони за млади беа ширум државата на вкупно 28 локации. Преку истите успеавме да допреме до публика од над 3.000 млади кои се запознаа со работата на Клубовите на млади во Црвениот крст, придобивките од волонтирање, можностите кои ги нуди нашата организација а секако и со оној друг дел од волонтирањето односно пријателствата, среќните моменти и забавата.

Нашата иницијатива Cup of love беше позитивно изненадување за околу 750 случајни минувачи кои преку мали хумани гестови беа причина за насмевка на над 1.500 лица. Оваа иницијатива ни покажа уште еднаш дека и најмалите навики како кафето може да биде поубаво кога ќе додадеме доза на добрина и хуманост.

Како Национално друштво им благодариме на сите млади за несебичниот придонес во остварување на нашата мисија и визија и кои се амбасадори на хуманоста во своите заедници.