СТУДИСКА ПОСЕТА ВО БЕЛГРАД, НОВИ САД И ЗРЕЊАНИН

Во периодот од 10-13 мај 2018 делегација на Црвениот крст на Македонија предводена од претседателот д-р. Ромел Велев и генералниот секретар д-р.Саит Саити  оствари работна посета на Црвениот крст на Србија. Делегацијата во чиј состав беа и дел од претставниците на Раководниот одбор на националното друштво ја посети централната канцеларија на Црвениот крст на Србија во Белград каде беше примена од генералниот секретар на Црвен крст на Србија г.ѓа Весна Миленовиќ. Во разговорите беа разменети искуства од работата на двете национални друштва.

Делегацијата исто така ја посети градската организација на Црвен крст Нови Сад  каде беше примена од секретарот г.дин Драган Лазич и Црвен крст Зрењанин примена од секретарот г-ѓа Александра Танасијевиќ. Тие ја претставија  работата на Црвениот крст на Нови Сад која е една од најдобрите организации во рамките на Црвениот крст на Србија. Посетата беше реализирана со цел да се продлабочи партнерската соработка и да се разменат добри практики и да се споделат искуства во однос на различните предизвици со кои се соочуваат двете национални друштва.