Учество на настан за формално преземање на секретаријатот на мрежата „Соседите помагаат први“ од страна на Бугарскиот Црвен крст

Во периодот 30.01-01.02.2023 година во Софија, Р. Бугарија, Генералниот секретар на Црвен крст на РСМ д-р Саит Саити заедно со претставници од националните друштва членки на мрежата „Соседите помагаат први“ учествуваа на формален настан за предавање на менаџирањето со секретаријатот на мрежата за наредните две години.

Извршниот претседател на Хрватскиот Црвен крст г-дин Роберт Маркт и Претседателот на Бугарскиот Црвен крст акад. Христо Григоров, потпишаа „Протокол за примопредавање“ со кој Хрватскиот Црвен крст го предава менаџирањето со мрежата „Соседите помагаат први“ на Бугарскиот Црвен крст.

Согласно заклучоците од состанокот на мрежата одржана на 02.12.2021 година Бугарскиот Црвен крст ќе биде домаќин на секретаријатот на мрежата во периодот 01 јануари 2023 – 31.12.2024 година. Од Хрватскиот Црвен крст е предадена целата документација за активностите на мрежата и нејзините состаноци во периодот 2020-2022 година и префрлени се преостанатите средства од придонесот на членарините на националните друштва.